~ الجــــوري ~

الأقلام تنمو لتتجاوزنا إلى غيرنا …فنكتب عن الآخرين مع أنفسنا !!

حل واجب : ذكريات مع التعليم … مايو 31, 2008

Filed under: Uncategorized — aljoory @ 6:37 م

السلام عليكم ورحمة الله وبركاته

 

 

 

 

 أبلة مضيعة بيتهم مررت هذا الواجب عن ذكريات مع التعليم 🙂

 

 

 

إحم مرحلة التعليم مليئة بالذكريات ( الزينه والشينه ) ..

 

 

 

 في هذا الواجب نحاول نتذكر ونسترجع   🙂

 

 

 

الأسئلة والأجوبة ^_^

 

 

 

 

 

أفضل مرحلة تعليمية درستها ؟

 

 

 

المرحلة الثانوية أحلى وأمتع مرحلة درستها .. 

 

 

 

الإبتدائيه كانت مرحلة البراءة والبساطة كل ذكرياتها لعب مافي مواقف :P

 

 

 

 

 

أسوأ مرحلة تعليمية مرت عليك ؟

 

 

 

المتوسط 😦

 

 

 

كذا مدري شلون هالمرحلة مو زييينه مرررة ..

 

 

 

اول شي نقلت من مدينة لمدينة ثانية وتغيروا صديقاتي ومدرستي

 

 

 

وديرتي وكل شي تغير علي 😦

 

 

 

يعني فترة لما تعودت  على الوضع 

 

 

 

 

 

أفضل المدرسين اللي مروا عليك ؟

 

 

 

أي مدرسة تحترمنا وتعاملنا بأدب وتعطي مادتها حقها أكيد ماننساها

 

 

 

ونتذكرها بكل خير

 

 

 

أتذكر في اول ثانوي كانت المواد العلمية عقدتي المعقدة بإستثناء مادة

 

 

 

الأحياء كانت أروع مادة لأن معلمة المادة كانت قمة بالأخلاق والإبداع

 

 

 

بالشرح >> كانت حصة الأحياء كإنها برنامج في الإعجاز العلمي من ربط

 

 

 

هذه المعلمة المادة بالإعجاز وتعرض صور وفيديو .. كل الحصة نقول

 

 

 

 

 سبحان الله 😀

 

 

 

فقط مدرسة الاحياء كنت أحبها أما  الباقين لا خخخخخخ

 

 

 

 

 

 

أحب المواد اللي درستها ؟

 

 

 

مثل ماقلت / الاحياء بالمواد العلمية كنت أحبها والسبب معلمتها المبدعة ..

 

 

 

بس ما أتذكر كنت أحب مواد ثانية  >> الإعتراف بالحق فضيلة 😀

 

 

 

 

 

أكره المواد اللي مرت عليك ؟

 

 

 

 الرياضيات بالمتوسط كان أكره شي بالحياةالدنيا

 

 

 

وبعدين بالأدبي كانت مادة الجغرافيا عدوي بالحياة الدنيا

 

 

 

 

 

 

أطرف موقف مر عليك في دراستك ؟

 

 

 

ياااكثرهاااا  بس لما نتذكر مدري وين تروح

 

 

 

كان عندنا حديقة بالمدرسة ومرة جينا لقينا الحديقة مافيها زرع وريحتها

 

 

 

خايسة زي ريحة الغنم  :P

 

 

 

المهم من اللقافة نبي شوف ليش قطعوا الزرع وكذا ومسكنا بالحديد اللي

 

 

 

 

 عند الحديقة وتفرجنا وطلعنا ..

 

 

 

وحنا بالفصل ومعلمة العربي جديدة ,, شميت يدي لقيت ريحتها غنم 😦 

 

 

 

و  صديقتي جنبي أقولها ريحة يدي  غنم .. شمت يدها هي الثانية قالت

 

 

 

 حتى انا ريحة يدي غنم خخخخخخخ

 

 

 

قلت شلون طيب لازم نطلع نغسل يدنا قرف كذا قالت خلاص نمسح

 

 

 

السبورة انا وإنتي ونطلع نغسل ..

 

 

قلت طيب

 

 

 

وقمنا نظفنا السبورة ومسحناها بكل ذمة وضمير عشان نطلع نغسل ..

 

 

 

 

جينا للأبلة نبي نروح ,, قالت لا مسحوا بمنديل مافي طلعة 😦

 

 

 

جلسنا وحنا نسمع البنات يقولون : في ريحة غنم وعع

 

 

 

ياربي احس ودنا نصيح ,, بوسط الدرس نزل علينا الضحك فجأة

 

 

 

>> توه يطرى علينا نضحك هههههههه

 

 

 

الأبلة وقفت الشرح قالت ما اكمل غير لما تقولون ليش تضحكون ..

 

 

 

 

وش السواة ؟؟

 

 

 

قلنا لها طيب طلعي معنا برا ونعلمك ليش نضحك 🙂

 

 

 

قالت : لا هنا تعلموني أنا وصديقاتكم > ألحين يعرفون من وين جاية ريحة

 

 

 

الغنم ورطة 😦

 

 

سكتنا ماردينا وهي وقفت الشرح وطلعت عند الباب وتركتنا 😦

 

 

 

عاد راحت لها صديقتي وقالت لها كنا نضحك لان ريحة يدنا غنم ^ـــ^

 

 

 

قالت : ليش كنتوا بزريبة غنم  لا تضحكون علي وماصدقتنا >> ماعلينا حنا

 

 

 

ماكذبنا صدق ريحة يدنا غنم :P

 

 

 

مايستفاد من الموقف /

 

 

 

مافي أحد بالمدرسة يمكن مادرى عن ريحة يدنا 😦

 

 

 

أصعب موقف مر عليك في دراستك ؟

 

 

 

في موقف مستحيل أنساه ..

 

 

 

كان معنا بنت متزوجة وحنا بأول ثانوي .. وحامل  بعد ..

 

 

 

كانت دايماً  بروحها ماتكلم أحد وبس ساكتة ..

 

 

 

جينا يوم وللا البنت مررره مريييضة وتصيح ومتضايقة وحالتها حالة ,,

 

 

 

مساكين حنا حولها بس ماندري وش سالفتها 😦

 

 

 

شوي البنت تجلس على الأرض وتصررخ وتصيح .. وجابوا المعلمات

 

 

 

والمديرة .. هذا كله وحنا بالفصل معهم ..

 

 

 

شايفين كل شي ,, والبنت تحززززن تقطع القلب وهي بالأرض ماسكة

 

 

 

بالطاولات 😦

 

 

 

وشوي جوا ممرضات وشالوها على سرير وراحت المستشفى وثاني يوم

 

 

 

تقولنا المدرسة : زميلتكم جابت ولد ^ـــ^

 

 

 

طلع كل اللي صار قدامنا ( حالة ولادة ) >> أشوه لحقوها ماولدت بفصلنا .. 

 

 

 

 

ردة فعلنا / هجرنا الجهة اللي كانت البنت جالسة فيها  😦

 

 

 

المفروض نزور البنت بس كنا ماندري عن الواجب خخخخخخخخ

 

 

 

 

 

مايستفاد من الموقف / 

 

 

 

المعلمات كانوا بقمة الغباء بذاك الوقت يمكن مع الخرعة >> المفروض

 

 

 

يطردونا برا الفصل مو يخلونا نتفرج على البنت  ,, مسكينه ترى ماشفناها

 

 

 

بعد ذاك اليوم مدري وين راحت 😦

 

 

 

خلص الواجب …

 

 

 

أمرر الواجب على ( زاحفة إلى المجهول _ ملونة ستيشن _ مرجوجة )

 

 

 

 

 

أسيرة الصحف ( حل الواجب ) مارس 20, 2008

Filed under: Uncategorized — aljoory @ 8:10 م

السلام عليكم

 

زاحفة إلى المجهول ومضيعة بيتهم مرروا علي واجب الصحف والصراحة مالي بالصحف والصحافة والصحفيين 😆

 

لكن نحله معلينا 🙂

 

 

س/ ماذا تعني لك الصحف؟!

 الصحف هذا الوقت صارت أخبار في أخبار شي يضيق الصدر وشي فن وفنانين فاضيين وشي دعايات وشي مصايب وأمراض ومشاكل وحاله 😦

هل انت/ي من متابعين الصحف؟!

لا مو من متابعين الصحف إلا إذا فيه خبر انتشر  مثلاً كارثه كبيرة وكل الدنيا تتكلم عنها بهالحالة ممكن أمسك الصحيفة  😀

من اين تبداء /تبدائي الصحيفه من الاول او من الاخر؟!

من الأخير طبعاً وأتوقع ثلاث أرباع الناس كذا مدري ليه ^ــ^

اول صفحه تقرأها/يها ولازم تمر/ي عليها؟!

ما أمر على الصحف ,, إذا لقيت أحد يتصفحها أخليهم يقولون لي الزبدة 😛

اكثر صحيفه تقرأها/ تقرأيها؟!

أكثر صحف  أشوفها ببيتنا  هي ( عكاظ _ الوطن _ الشرق الأوسط _ النخبة ) >> مو مخلي شي أبوي 😆

 

انتهينا من حل الواجب 🙂

 

حملة انا بشر ضد التشهير بالأعراض مارس 19, 2008

Filed under: Uncategorized — aljoory @ 10:25 م

السلام عليكم ورحمة الله وبركاته

 شاهدت اليوم برنامج ” حياة تك “ على قناة المجد .. وكان هناك اتصال مع الكاتبة المصرية ” ريم أبو عيد “ صاحبة فكرة

حملة ” أنا بشر “  

فبحثت عن هذه الحملة الرائعة بأهدافها السامية النبيلة لمنع الخوض في أعراض الناس والتشهير بهم

أنا بشر في سطور

في عصر توافرت فيه التقنيات الحديثة من “إنترنت” و”بلوتوث” وغيرها من وسائل نشر المعلومات بشكل سريع وعلى

نطاق واسع وانعدمت فيه بعض الضمائر فأساءت استعمال هذه التقنيات واستخدمتها كوسيلة للتشهير بأعراض الغير وفضح

 عوراتهم، كان لابد من وقفة حاسمة للتصدي لمثل هذه السلوكيات اللأخلاقية واللإنسانية التي يمارسها بعض معدومي

 الضمير ضد النساء والفتيات من انتهاك لحرماتهن والخوض في أعراضهم والتشهير بهن وفضح عوراتهن على مرأى

ومسمع من العالم كله على مواقع الإنترنت وعبر رسائل الجوال وكأن الأمر وما يحدث تسلية ولهو عند هؤلاء ممن

يقومون بمثل هذه الأفعال المشينة. 

ومع تنامي ظاهرة التشهير بالأعراض خاصة في الآونة الأخيرة انطلقت حملة “أنا بشر” في الأول من شهر ديسمبر لعام

2007م لتكون نقطة انطلاقة نحو مواجهة هذا الخطر المحدق الذي يهدد كيان مجتمعاتنا الإسلامية والعربية.

شعار الحملة

قوله تعالى ( وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ )

وقول الرسول صلى الله عليه وسلم ( من ستر مسلما في الدنيا ستره الله في الآخرة ومن تتبع عورات المسلمين

تتبع الله عوراته حتى يفضحه في جوف بيته  )

ولمن يريد زيارة موقع الحملة

http://anabashar.jeeran.com/index.html

http://anabashar.jeeran.com/index.html

جزا الله القائمين عليها ومن ساعدهم خير الجزاء

 

كله من سبايدر مان :( مارس 16, 2008

Filed under: Uncategorized — aljoory @ 5:39 م

عرب شير! - مركز التؙ?يل 

 

 

       

مشااااكل صارت بسبب ” سبايدر مان   >> لو شفته قتلته  

 

 

كنت أسمع بتقليد الأطفال للشخصيات المعروفة بالذات اللي يشوفونها بالبلايستيشن وأفلام الكرتون بس أبد

 

ماتوقعت توصل للمرحلة إللي وصل لها أخوي الصغير 

 

بداية القصة كانت تقليد عادي وطلب اللبس الخاص بسبايدر مان .. وشرينا له اللبس وياليتنا ماشريناه

 

إنقلب الأخ خلاااص ماصار يلبس غيره وبعد الهدوووء صار بس يصااارخ ,, ماصرنا نشوفه جالس خلاص

 

نسينا بس ينقز فوق الكنب ومن الدرج >> صارت حالة طوارئ بالبيت لازم نتأكد من كل الشبابيك ونقفلها

 

زين نخاف نلقاه جثة هامده بالحوش والسبب > سبايدر مان العلّة     

 

حتى الأكل ماصار يجلس صار ياكل فوق الطاولة ,, هذا غير الحوادث والكاسات اللي تنكسر بكل وجبة والسبب

 

” سبايدر مان “

 

قسم بالله ما أبالغ صار مايلبس غيره لما ينغسل اللبس يجلس يصيح لما ينشف  

 

 

بالروضة غصب يلبس لبسهم الخاص ,, وأكثر من مرة نطلع لبس سبايدر مان من شنطته يبي يغفلنا وياخذه

 

معاه ..

 

حتى أخواني لما يكلمونه بالتلفون لأنهم مو عندنا بفترة الدراسة كان أول يتشقق وينبسط ويقولهم متى

 

تجون وكذا ,, ألحين صار ينافخ عليهم 😦

 

 

> قال أخوي وش فيه بس ينافخ قلتله : الله يرحمه أخوك البريئ الدلوع صار وحش والسبب ” سبايدر مان “

 

وقلتله السالفة 😦

 

 

قال : ليييييه تطاوعونه وتجيبون له هاللبس خربتوا الولد ,, من جد تحسفنا والله أحس شخصيته انقلبت

 

بالمره 😦

 

________________________________________ 

 

 

 إحم  إحم عاد أنا قلت مابدها لازم أشتغل معالجة نفسية وأشوف أخوي

 مع إن أمي طول النهار تقنع وتحاول فيه

 

 

المهم جبته عندي بالغرفة وقفلت الباب وهولابس اللبس حق سبايدر وشلته على المكتب وجلست أنا على

 

 

الكرسي قدامه >> تحسون إني أنفع أشتغل بعيادة نفسية خخخخخخخخ

 

 

شوفوا الحوار يمكن تستفيدون من خبرتي  😀

 

قلتله : لبسك مرررة وععع مو حلو >> امحق معالجة خخخخخخ

 

قال : ليييييه وقام يبي يستعرض ويسوي الإزعاج ..

 

قتله اجلس بس خل أقولك ليش وعع

 

قتله شايف وش عليك بصدرك ألحين ,, قام يطالع مستغرب !!

 

قتله عنكبووووت يعععع ياقرف عليه عنكبووووت

 

ألحين هو ساكت ,, بعدين قال : أصلاً أصلاً  هذي رسمة مو حقيقة ..

 

تورطت وش أقول ؟؟

 

 

قلت : ايييه إييييه رسمه بس شم ريحتها مو زينه لأنها رسمة عنكبوت ..

 

 

شوف لو رسمة حلوة تكون ريحتها حلوة لو رسمة مو حلوة ريحتها تكون مو حلوة >> صفقة ياجماعة ^ـ^

 

 

زعلللل مررررة ووجهه انقلب ونزل بقوة ويفتح الباب وهو معصب وطلع >> أنا فقدت الأمل قلت خلاص مو

 

 مقتنع شكله 😦

 

 

بعد شوي رجع فتح الباب وأطالع مو مصدققققة يالله غيّر اللبس هذا معناه إني قدرت أقنعه >> ياهووووو يا

 

بطلة يا أنا  😀

 

قال : شووووفي لبست ملابس ريحتها حلوة ,,

 

 قلت : اييييييه كذا إنت أشطر واحد في العالم ^ــــ^

 

يالله أطلب هدية إللي تبيه أجيبه لك عشان سمعت الكلام ,,

 

فكر وفكر وقال أبي سيارة عليها سبايدر مان >> ويييييييييييييي ياخسارة تعبي بس 😦

 

قلتله لااااا مو زين ريحته قلنا .. قال خلاص سيارة وبس >> إيه كذا إنت بطل أخو بطلة 🙂

 الفرحة ماتوسعني أمي قالت حتى إنتي لكي هدية >> إحم إحم والله إني طلعت مو هينه 😀

على هالتعب وهالفرحة بنجاح تحول أخوي من سبايدر مان إلى شخصيته الحقيقية أدعي وأقول الله يتمم عليه

 

أخاف يغير رايه ونتورط 😦

 

 

 

وفي الختام

 

إللي يشوف سبايدر مان يقتله وأنا مسامحته > على مسؤوليتي  

 

الأصوات المزعجة ( حل الواجب ) مارس 8, 2008

Filed under: Uncategorized — aljoory @ 10:29 م

السلام عليكم ورحمة الله وبركاته

  

  

أول شي أعتذر عن انقطاعي الفترة الماضية عن الكتابة بالمدونة

 

 

بس من جد كنت مشغولة مرة مافي وقت أحك راسي 😦

 

مضيعة بيتهم قومت مدونتي من النوم بتمريرها للواجب 🙂 >> شكراً مضيعة ^ــ^

 

بإذن الله أحاول أرتب وقتي وأحط مدونتي في الحسبان 🙂

 

نجي للواجب

 

 

كثييير أصوات تزعجني منها /

 

 

_ صوت الكعب العالي لما يطق بالأرض > أووووف أنقهررر منه عشان كذا ما ألبس كعب خخخخخخخخ

 

_ صوت الكرسي يسحب على الأرض > ياربييي ودي أقطع شعري من النرفزة لما أسمع صوته

 

_ صوت أخوي الصغير لما يلعب عند غرفتي وأنا نايمة>مو صوته هو,,لا صوت ألعابة ويييي إزعااااج ..

 

_ صوت التفحيط اللي يصير بشارعنا > لو أشوفهم كففففف

 

_ ماااأطيييق صوت الأظافر تطقطق على طاولة أو سبورة أو أي شي > الله يعيني بس 😦

 

_ طبعاً أكيد كلنا متفقين على صوت الجوال والمنبه لما يدق الصباح محد يحبه > أبو الإزعاج كله

 

وفي بعد أصوات بس كإني نسيتها هههههههههه

 

 

تمرير الواجب للمدونات /

 

..{ مُـلوّنـة سـتيـشن ~

انســ وتنسى ـانهـ

زاحــــــ إلى المجهول ــــــفة

 

>> خل يتحركون زي ماتحركت أنا 🙂

 

حل واجب : أ / مضيعة بيتهم … يناير 25, 2008

Filed under: Uncategorized — aljoory @ 2:30 م

الإختبارات وما أدراك ما الإختبارات …

نبدأ بالإجابة على الواجب 🙂

 

س1: ما هو الطقس الذي تفعله عندما تذاكر؟

 

_ لازم عندي الغرفة تكون مرتبة من قبل الإختبارات  🙂

 

_ المذاكرة على السرير تكون حتى إذا تعبت آخذ غفوة مركزة حتى لو خمس دقائق ^ــــ^

 

_ سبحان الله تنفتح نفسي للأكل في هذه الفترة فلا أفوت  الوجبات الرئيسية ومابينها 🙂

 

_ الهدووووووء فأقل صوت يشتت ذهني :p

 

_ بعد المذاكرة لازم ( أتروش ) >> عشان كذا المعلومات تطير بسرعة هههههههه

 

هذه تقريباً أهم طقوس المذاكرة عندي  ^,^

 

 

س2: متى كان أصعب امتحان مر عليك؟

 

أصعب امتحانات ” الثانوية العامة ” 

 

وأصعب مادة كانت ” الإنجليزي ” > يومها مانمت أبداً  زاد تعب المذاكرة على النوم  شوي وأطيح من

 

التعب 😦

 

 

س3: ما هو أطرف فعل فعلته أيام أمتحاناتك للهروب من المذاكرة؟

 

أنا تجيني حالات بالإختبارات :

 

مثلاً .. شريط فيديو 100 مرة شفته .. يوم الإختبار أشتهي أطالعه وأتفرج عليه 🙂

 

والنت تطلع لي مواقع تجنن بفترة الإختبارات  >> ويبدأ الشغل  عاد ^ـــ^

 

 

 

تم حل الواجب والحمد لله ^ــ^

 

ماراح أمرر الواجب على أحد 🙂

 

لأن أغلب المدونات حلّوا الواجب 🙂

 

جريمة قتل … يناير 13, 2008

Filed under: Uncategorized — aljoory @ 4:13 م

اليوم حضرت وقائع جريمة قتل >> تخيلوا معاي 😦

 

كنت بالمعهد أنا ومجموعتي بأمان الله كل واحدة على جهازها منهمكة ..

 

جاءت عاملة النظافة وأقفلت علينا الباب وهي بالخارج .. استغربنا في البداية ثم رجعنا ندير أظهرنا ..

 

دقائق فقط ونسمع صراااااخ >>  وطاااخ طيييخ  !!

 

ننظر باتجاه الباب وكلنا خائفين ..في هذه الأثناء دخلت علينا الضحية

 

طبعاً بلا شك كلنا بصوت واحد >> واااااااااااع !!

 

وجاءت القاتلة عاملة النظافة وبيدها سلاحها 😦

 

وأمام أعيننا قتلته .. نعم قتلته 😦

 

أنا مكاني قريب من مكان الجريمة .. بعد الإنتهاء من عملية القتل وجدت شكلي يرثى له  !!

 

>> رجل فوق الكرسي ورجل فوق الطاولة ويدي على عيوني والشنطة بحضني والدفتر على حجري والقلم

 

مدري وينه !!

 

المهم أخرجوا المقتول وهو السيد ” فأر ” > الله يرحمه كسر خاطري 😦

 

وعلامات النشوة والإنتصار على وجه القاتلة 🙂

 

 رجعت البيت وأخبرتهم  كلهم بالقصة والمشهد الذي لم أشاهده بحياتي  🙂

 

” أجل قتل قدام عيوني “

!!!!